వెయ్యి మందికి పైగా నిపుణులు నిర్వహించిన ఈ పరిశోధన ఇలాంటి పరిశోధనల్లో అతి పెద్దదే కాకుండా లోపాలతో కూడినన డిఎన్ఏలను గుర్తించడానికి, అయిదేళ్లలోపే ప్రోస్టేట్ గ్రంధి క్యాన్సర్, రొమ్ము క్యాన్సర్, అండాశయ క్యాన్సర్ లాంటి వాటిని గుర్తించి సమర్థవంతంగా చికిత్స అందించే అవకాశాలు దీనివల్ల మెరుగుపడ్డాయని బ్రిటన్కు చెందిన వెల్కమ్ ట్రస్టుతో పాటుగా ఈ పరిశోధనకోసం నిధులు అందించిన క్యాన్సర్ రిసెర్చ్ యుకె చీఫ్ ఎగ్జిక్యూటివ్ డాక్టర్ హర్పాల్ కుమార్ చెప్పారు. అంతేకాకుండా క్యాన్సర్ ఎంత సంక్లిష్టమైనదో కూడా ఈ విప్లవాత్మక అంతర్జాతీయ పరిశోధన ఎత్తి చూపించిందని కూడా ఆయన చెప్పారు. యూనివర్సిటీ ఆఫ్ కేంబ్రిడ్జ్, లండన్లోని క్యాన్సర్ పరిశోధనా సంస్థ(ఐసిఆర్)లలో నిర్వహించిన ఈ పరిశోధనల్లో శాస్తవ్రేత్తలు వ్యాధులు వచ్చే అవకాశాలు ఒక వ్యక్తిలో పుట్టుకతోనే ఎంత మేరకు ఉంటాయనే విషయాన్ని తెలుసుకోవడానికి 2 లక్షల మంది డిఎన్ఏలను పోల్చి చూసారు. వీరిలో సగం మంది క్యాన్సర్ సోకిన వారు కాగా, మిగతా సగం మంది క్యాన్సర్ లేని వారు. ఈ పరిశోధనల ఫలితంగా తాము రొమ్ము క్యాన్సర్ చికిత్సకు తోడ్పడే పరీక్షలను అభివృద్ధి చేయడానికి, అలాగే ప్రోస్టేట్ క్యాన్సర్ను సమర్థవంతంగా గుర్తించడంలో మా విజ్ఞానాన్ని ఉపయోగించడానికి మరో అడుగు ముందుకు వేసామని ఈ పరిశోధనా పత్రం రచయిత ప్రొఫెసర్ డౌవ్ ఈస్టన్ తెలిపారు. ఈ మూడు రకాల క్యాన్సర్లకు జన్యుపరమైన రిస్క్లలో 60 శాతాన్ని ఇప్పటికీ చెప్పలేక పోయినప్పటికీ ప్రోస్టేట్ క్యాన్సర్ విషయంలో జన్యుపరమైన కారణాలను అర్థం చేసుకోవడంలో ఓ అడుగు ముందుకు వేయడానికి ఈ పరిశోధన వల్ల వీలయిందని ఆయన పేర్కొన్నారు.
No comments:
Post a Comment