90శాతం మందికి హైబిపి ని మందులు నడక ద్వారా అదుపు చేయవచ్చు GSL హాస్పిటల్ లో స్టెంట్ వేసి 20 ఏళ్ళ యువతి బిపిని నయం చేసిన సక్సెస్ స్టోరీ...

స్టెంట్ ద్వారా హైపర్ టెన్షన్ అదుపు
అన్ని బిపిలు ఒకటి కాదు

కొన్ని రకాల హైపర్ టెన్షన్ (హై బిపి)లను సె్టంట్ వేయడం ద్వారా పూర్తగా నయం చేయవచ్చన్న సూత్రాన్ని జిఎస్ఎల్ మెడికల్ కాలేజి హాస్పిటల్ కార్డియాలజి విభాగం ఆచరణాత్మకంగా నిరూపించింది.

హై బిపికి (ఒక) కారణమైన రక్తప్రసరణను సాధారణ స్ధితికి తీసుకురావడం కోసం రక్తనాళం మూసుకుపోతున్న చోట స్టెంట్ వేసి తెరవడమే ఈ చికిత్సా విధానం

పశ్చిమగోదావరి జిల్లా కొవ్వూరు మండలం తోగుమ్మి నివాసి అయిన ప్రియాంక కు ఈ టీ్రట్ మెంటు చేశారు.ఏడాది బిడ్డతల్లి, 20 ఏళ్ళ పేద గృహిణి అయిన ప్రియాంక చాలాకాలంగా విపరీతమైన తలనొప్పితో బాధపడుతోంది. హై బిపి ఇందుకు కారణమని పలువురు డాక్టర్లు గుర్తించారు.5 రకాల మందులు వాడినా ఆమెకు బిపి తగ్గలేదు. అలాంటి స్ధితిలో 240/120 బిపితో ఆమె జిఎస్ ఎల్ మెడికల్ కాలేజి జనరల్ హాస్పిటల్ లో చేరింది.

ఈ హాస్పిటల్ కార్డియాలజి విభాగం చీఫ్ ఇంటర్వెన్షనల్ కార్డియాలజిస్ట్ డాక్టర్ అశుతోష్ కుమార్ అతిసునిశితమైన 3 పరీక్షలు చేసి రక్తనాళం నొక్కుకుపోతున్న ప్రదేశాన్ని గుర్తించారు.

ఇందుకు ఉపయోగించిన సిటి ఏంజియోగ్రఫీ, ఎంఆర్ ఏంజియోగ్రఫీ, కార్డియాక్ ఎం ఆర్ ఐ పరీక్షలు ఆరోగ్యశ్రీ పరిధిలోకి రావు. అయినప్పటికీ ఈ కేసు ప్రత్యేకత పేషెంటు పేదరికాలనుదృష్టిలో వుంచుకుని కార్డియాలజీ విభాగం ఇన్ చార్జ్ డాక్టర్ కేశవస్వామి చైర్మన్ డాక్టర్ గన్ని భాస్కరరావులు ఈ ఖరీదైన ఇన్వెస్టిగేషన్లన్నీ ఉచితంగా చేయాలని నిర్ణయించారు.

సమస్యకు మూలం తెలిసిపోయింది కనుక ఆప్రకారం స్టంట్ వేశారు. ఈ టీ్రట్ మెంటు పార్టురఆరోగ్యశ్రీ పరిధిలోకే వస్తూంది.10 రోజులు ఏమందూ వాడకుండా పరిశీలనలో వుంచారు మందులు లేకుండా బిపి సాధారణ స్ధితిలో 140/80 కి చేరుకుంది. ఈ చికిత్సలో డాక్టర్ అశుతోష్ కుమార్ కి డాక్టర్లు రాజు, రవి, గిరిధర్ టెక్నీషియన్లు నయీమ్, దివ్య, అరుణ సహకరించారు.

హైపర్ టెన్షన్ తో బాధపడుతున్నవారిలో 90 నుంచి 95 శాతం మంది మందులు వాడటం, నడక మొదలైన వ్యాయామం చేయడం, పొగతాగకుండా వుండటం మొదలైనవాటి ద్వారా బిపిని అదుపులో వుంచగలుగుతారు. అయితే 5 నుంచి 10 శాతం మందిలో బిపికి ఇతరకారణాలు వుంటాయని డాక్టర్ అశుతోష్ కుమార్ వివరించారు.

ప్రియాంక కేసు ఈ కోవలోకే వస్తుంది. ఆమెకు రక్తనాళం నొక్కుకుపోవడం వల్ల కిడ్నీలకు రక్తప్రసరణ తగ్గి ఒక హార్మోన్ ఏక్టివేట్ అవ్వడమే ఈమె హైపర్ టెన్షన్ కి మూలమని స్టెంటింగ్ ద్వారా రక్తప్రసరణను సాధారణ స్ధితికి తీసుకురావడంతో హైపర్ టెన్షన్ కూడా అదుపులోకి వచ్చిందని వివరించారు.